Սեռական բռնություն

Վերադարձ

[toggle title=»Առաջին անգամը խմած վիճակում»]

1. Բարև Ձեզ տիկին Նարինե: Ինձ միայն մի հարց է շատ տանջում: Ինձ հետ մի դժբախտ, եթե կարելի է այդպես ասել, դեպք է տեղի ունեցել: Հիմա անգամ զզվանք եմ զգում, երբ պետք է խոսեմ այդ մասին: Սիրածս տղան հրավիրեց ինձ սուրճ խմելու մի վայրում, որտեղ մարդ չէր խանգարի: Մի քիչ խմեցինք և չգիտեմ թե ինչպես տեղի ունեցավ: Բայց այստեղ գլխավոր հարցը՝ մենք բաժանվեցինք զուտ այն պատճառով, որ ինձ հետ տեղի ունեցածի ժամանակ արյունահոսություն չեղավ ու նա կարծեց թե առաջին անգամը չէ: Սա ինձ համար շա~տ բարդ խնդիր է: Ես շատ եմ կարդացել այս մասին և գուցե հասկանում եմ, բայց հիմա, երբ նա չկա, աջքիս ոչ ոք չի գալիս և նաև մի տեսակ զզվանք եմ ապրում տղամարդկանցից:

[show_more align=»right»]

Ինձ համար մեծ ցավ է լսել նման պատմություն: Երկար մտածելուց հետո հարգելի նամակագիր, խնդիրը տեսնում եմ հենց ձեր մեջ: «Չգիտեմ էլ ինչպես տեղի ունեցավ»-ը խոսում է հոգեսեքսուալ խորը ինֆանտիլության մասին (Ինֆանտիլություն-թարգմանաբար մանկամտություն), Նշանակում է դուք չեք ճանաչում ձեր սեռական կիրքը, չունեք իմացություն տղամարդու սեռական ցանկությունների, սեռական վարքի մասին: Այդ պահին ձեզ առաջնորդել են տարերային ուժերը, դուք բոլորովին գիտակից չեք եղել ձեր կյանքի ամենապատասխանատու քայլն անելիս: Ոգելից խմիչքի ազդեցությունը խորացրել և նպաստել է գիտակցության ի սպառ անջատմանը:Սեռական նման վարքը, երբ զուգընկերներից մեկը անգիտակից է, կարելի է համարել սեռական բռնության մի ձև, ինչը կնշանակի որ դուք սեռական բռնության «զոհ» եք դարձել: Դա մեծ սթրես է հոգեկանի համար և զզվանքը տղամարդկանցից այն պաշտպանական միջոցն է, որով դուք այժմ պաշտպանվում եք: Սա շատ լուրջ խնդիր է, որը հետագայում մեծ բարդությունների առաջ կարող է կանգնեցնել: Պատմությունը բարդացել է նրանով, որ կուսազրկումը արյամբ չի ուղեկցվել, մի հանգամանք, որը պայմանավորված է կուսաթաղանթի տեսակով՝ այն պարզապես շատ առաձգական է եղել և պատռվելու փոխարեն լայնացել է՝ բացելով մուտքը դեպի հեշտոց: Տղայի կողմից կուսության կասկածը և դրա պատճառով ձեզ լքելը կրկնակի հարված է եղել ձեր հոգեկանի համար, հատկապես եթե նա ձեզ համար կարևոր և մտերիմ անձ է եղել, ում վստահել եք: Կարծում եմ խնդիրը, որի առաջ կանգնած եք մասնագիտական միջամտության կարիք ունի, որպեսզի այս պատմությունից կարողանք առողջ դուրս գալ՝ առանց տրավմայի:

[/show_more][/toggle]

[toggle title=»Սեռական բռնություն»]
[insert page=’serakan-charashahum-mankakan-tariqum’ display=’content’]

[insert page=’vaxajamket-serakan-porci-hetevanqnery’ display=’content’]
[/toggle]

Վերադարձ